Unha carta de Antonio Palacios á Sociedad Arqueológica de Pontevedra

por MATEO FONTÁN COUTO

Co adaxo do 150 aniversario de Antonio Palacios traemos unha chiscadela documental que relaciona ao ínclito arquitecto coa Sociedad Arqueológica de Pontevedra, institución modelo na colecta e custodia do patrimonio cultural galego. A misiva, datada en xullo de 1931, está composta por catro cuartillas manuscritas e asinadas (1). O asunto epistolar pivota sobre o mosteiro de San Lourenzo de Carboeiro e a súa salvagarda, tras apreciar Palacios signos evidentes de deterioro nas ruínas mantidas do antano podente cenobio.

O técnico porriñés alerta do estado de conservación da abadía e ofrécese para o seu acondicionamento, polo que insta á sociedade científica, na figura do seu fundador Casto Sampedro Folgar, a colaborar na empresa. Xustamente a Sociedad Arqueológica de Pontevedra preocuparase polo monumento alomenos dende 1894, ano da súa fundación, no que xa toman apuntamentos epigráficos, gliptográficos e histórico-artísticos (2). Casto Sampedro seguiría visitando o lugar noutras ocasións, como así o testemuña a fotografía realizada por Zagala en 1897 (das poucas onde se pode ver ao sabio) en compañía do seu amigo, e tamén membro da Arqueológica, Luís Sobrino.

Xorden no decurso da mensaxe nomes fortemente vinculados á conservación e o estudo da Arte, tales como Francisco Javier Sánchez Cantón, insigne impulsor do Museo Provincial, ou Ricardo de Orueta, quen chegaría a exercer durante a II República como director Xeral de Belas Artes, testando un acaído maxisterio do que Sánchez Cantón tomou parte fundamental.

Xosé Filgueira Valverde, pupilo avantaxado de Sampedro e continuador, como sabemos, da dirección do Museo de Pontevedra recollería a documentación da Sociedad Arqueológica para as súas achegas a San Lourenzo de Carboeiro, coa colaboración de Sebastián González García-Paz (3). Así mesmo Xosé Carlos Valle Pérez, tamén director que foi do noso Museo entre 1987 e 2018, asina a voz deste inmoble para a Enciclopedía del Románico (4), completando ese certo nexo dos dirixentes do Museo co mosteiro de Carboeiro. No mesmo 1931 en que se escribe a carta o cenobio é declarado Ben de Interese Cultural, na categoría de Monumento. Unha protección, pioneira en Galicia, que Antonio Palacios axudou a impulsar e seguramente celebrou, denantes a tanxible preocupación que denota este documento.

DOCUMENTO:

[Timbre]:
A. Palacios
Arquitecto
Calle. N. M. Rivero – 8 7/0.

Señor D. Casto Sampedro.

Mi querido amigo y maestro; A causa de mi ausencia de Madrid (por mi temporada de invierno en Málaga en donde estoy actuando de mozárabe) recibí sus muy gratos, con excesivo retraso.

Los contesto hoy, con mucho gusto, comunicándole, que, por aquella ausencia, no pude contribuir, en nada, a la declaración de monumentos nacionales de la provincia de Pontevedra.

Para informarle pregunté a nuestro amigo Sanchez Cantón y me dijo, haber sido una labor colectiva de la pandilla de “Estudios Históricos”, a petición de Orueta, y tal como le enviaron la nota, así fue a la “Gaceta”. Por cierto que yo lo lei en “Vida Gallega” y en su transcripción no han podido escribirse mayor número de disparates. Supongo que en la “Gaceta” habrá salido bien.

Apropósito; me preocupa mucho el estado de ruína de Carboeiro a causa del daño enorme que en las fábricas está causando el desarrollo increible de las yedras y también de las filtraciones en las bóbedas de la girola. La última vez que fui allí, el maravilloso monumento, página, destacada de la Historia del Arte regional, desapareció totalmente bajo la vegetación de aquellas sierpes vigororsas que la están aniquilando.

Era una poética catedral verde, pero esta poesía la está amolando, de verdad.

Procuraré ver a Orueta, pues con muy poco dinero, podrían evitarse males irremediables [.] para tan singular monumento. Para convencerle, le llevaré las plantas y secciones que estoy haciendo con los datos que allí recogí. Y si ustedes me enviaran unas fotografías (las que yo tengo no son buenas) mi intento sería más eficaz.

Yo no tendré inconveniente en ir allí unos días y haciendo vida salvaje, realizar ese salvamento, que creo cuestión de honor para Galicia.

Todos los elementos de juicio que ustedes me envién para ello los agradeceré en el alma.

Ya sabe la alta estimación en que le tiene su amigo,

Antonio Palacios
20 – julio – 1931

NOTAS:

1. Sociedad Arqueológica de Pontevedra. Correspondencia con Antonio Palacios (1931-1932). A carta forma parte do arquivo do Museo de Pontevedra, Fondo Casto Sampedro (Sinatura 46/68/11). Atópase dixitalizada, xunto con outra misiva de índole máis persoal, en https://atopo.depo.gal/Record/arc.DEPO00200189547 [consulta 09/12/2024]. Na transcrición mantívose a puntuación, disposición e ortografía orixinal agás os acentos gráficos.
2. Sociedad Arqueológica de Pontevedra. Mosteiro de Carboeiro (Silleda-Pontevedra) (1894-1937).
3. Filgueira Valverde, X. & González García-Paz, S. (1940). San Lorenzo de Carboeiro. Madrid: Instituto Diego Velázquez. Tamén en Archivo Español de Arte, 14 (41), 59-68.
4. Valle Pérez, J. C. (2012). Voz «Monasterio de San Lourenzo», en Enciclopedia del Románico. Pontevedra, tomo I, edita Fundación Santa María la Real Centro de Estudios del Románico, pp. 406-434; Podemos engadir «A cabeceira da igrexa abacial de Carboeiro (Silleda, Pontevedra) e a arquitectura do seu tempo». Conferencia celebrada o 15/12/2014 no Museo de Pontevedra dentro do Congreso Opus Monasticorum VIII.

_

Imaxe da cabeceira: Carta de Antonio Palacios á Sociedad Arqueológica de Pontevedra. Fonte: ATOPO. https://atopo.depo.gal/