A AMUPo, nova amiga da FEAM

No número 42 da Revista da FEAM (Federación Española de Amigos de los Museos, outono 2019), baixo o título Emoción, identidad y fidelización: el desafío de los Amigos, inclúese á Asociación de Amigas e Amigos do Museo de Pontevedra, logo do seu ingreso oficial na Federación na Asemblea Xeral, celebrada en Girona, en abril de 2019.

Revista FEAM 2

Esta publicación, accesible dende o perfil de ISSUU da FEAM, publica unha breve presentación da AMUPo, así como da nosa misión, visión e obxectivos:

A Asociación de Amigas e Amigos do Museo de Pontevedra renace en 2014 para dar continuidade ao colectivo de Amigos do Museo de Pontevedra, que creara José Filgueira Valverde -sendo director da institución museística-, nun momento de inestabilidade institucional no que o Museo acababa de verse privado do padroado que o rexera dende a súa fundación en 1927.

Obxectivos

Entre os obxectivos da AMUPo está axudar á misión fundacional do Museo, en canto ao incremento e complemento das súas coleccións, e a súa difusión entre a sociedade; sen esquecer o estudo e a investigación previa que realiza.

Actividades

A nosa actividade, aínda que modesta, non deixou indiferente á sociedade galega. Tanto os distintos congresos, seminarios e estudos, como a publicación de Quórum: Revista de Artes, Letras e Ciencias Sociais e Xurídicas, serviron para achegar un pouco máis a historia e o patrimonio que nos rodea ás persoas que o disfrutan a diario.

Por qué facerse Amigo da nosa Asociación?

Facerse Amigo do Museo de Pontevedra supón ampliar o coñecemento sobre os vastos e ricos fondos dun Museo que xa conta con seis edificios na zona monumental da cidade, e que nos permiten viaxar dende a prehistoria ata a actualidade.

 

O Parque do Pasatempo: conservar 1/7 do legado

O pasado mércores, na Sala de Madeira do Arquivo Histórico Provincial de Pontevedra, Sara Fraga Pérez impartíu a segunda conferencia do Congreso sobre Patrimonio Cultural que está a celebrar a Asociación de Amigas e Amigos do Museo de Pontevedra, en colaboración coa ACFI Julián Malvar.

Sara Fraga, historiadora e membro da Asociación de Amigos do Parque do Pasatempo de Betanzos, relatou a orixe e evolución da obra do indiano Juan García Naveira e o incumprimento normativo na falla de conservación do histórico Parque enciclopédico, baixo o título “O Parque do Pasatempo: conservar 1/7 do legado“.

O resultado da súa investigación será publicado no vindeiro número de Quórum: Revista de Artes, Letras e Ciencias Sociais e Xurídicas.

This slideshow requires JavaScript.

Referencias de prensa:

— “Conferencia. Segunda sesión del Congreso sobre Patrimonio Cultural“, Diario de Pontevedra, 04/07/2019, páx. 59, edición impresa.

— “La historiadora betanceira Sara Fraga lleva El Pasatiempo a Pontevedra“, El Ideal Gallego, 05/07/2019, páx. 16, edición impresa.

— “Presentan un estudio sobre O Pasatempo en un Congreso de Patrimonio“, La Opinión, 05/07/2019, páx. 14, edición impresa.

— “A betanceira Sara Fraga leva o Parque do Pasatempo a Pontevedra“, Xornal de Betanzos,05/07/2019, edición web.

María Ángeles Fuentes Loureiro

María Ángeles Fuentes Loureiro

María Ángeles Fuentes Loureiro é investigadora en Dereito Penal na Universidade da Coruña. Membro do Consello de redacción de Quórum: Revista de Artes, Letras, Ciencias Sociais e Xurídicas, a súa investigación principal céntrase nos delitos contra o medio ambiente, especialmente naqueles relacionados co tratamento dos residuos. Outras liñas de investigación nas que traballa son a Criminoloxía verde, a delincuencia económica e a corrupción.


María Ángeles Fuentes Loureiro es investigadora en Derecho Penal en la Universidade da Coruña. Miembro del Consejo de redacción de Quórum: Revista de Artes, Letras e Ciencias Sociais e Xurídicas, su investigación principal se centra en los delitos contra el medio ambiente, especialmente en aquellos relacionados con el tratamiento de los residuos. Otras líneas de investigación en las que trabaja son la Criminología verde, la delincuencia económica y la corrupción.