O Parque do Pasatempo: conservar 1/7 do legado

O pasado mércores, na Sala de Madeira do Arquivo Histórico Provincial de Pontevedra, Sara Fraga Pérez impartíu a segunda conferencia do Congreso sobre Patrimonio Cultural que está a celebrar a Asociación de Amigas e Amigos do Museo de Pontevedra, en colaboración coa ACFI Julián Malvar.

Sara Fraga, historiadora e membro da Asociación de Amigos do Parque do Pasatempo de Betanzos, relatou a orixe e evolución da obra do indiano Juan García Naveira e o incumprimento normativo na falla de conservación do histórico Parque enciclopédico, baixo o título “O Parque do Pasatempo: conservar 1/7 do legado“.

O resultado da súa investigación será publicado no vindeiro número de Quórum: Revista de Artes, Letras e Ciencias Sociais e Xurídicas.

This slideshow requires JavaScript.

Referencias de prensa:

— “Conferencia. Segunda sesión del Congreso sobre Patrimonio Cultural“, Diario de Pontevedra, 04/07/2019, páx. 59, edición impresa.

— “La historiadora betanceira Sara Fraga lleva El Pasatiempo a Pontevedra“, El Ideal Gallego, 05/07/2019, páx. 16, edición impresa.

— “Presentan un estudio sobre O Pasatempo en un Congreso de Patrimonio“, La Opinión, 05/07/2019, páx. 14, edición impresa.

— “A betanceira Sara Fraga leva o Parque do Pasatempo a Pontevedra“, Xornal de Betanzos,05/07/2019, edición web.

A AMUPo celebrará o primeiro Congreso sobre Patrimonio Cultural

A Asociación de Amigas e Amigos do Museo de Pontevedra, en colaboración coa Asociación Cultural e de Fomento da Investigación Julián Malvar, organizará o primeiro Congreso sobre Patrimonio Cultural para o ano 2019.

Baixo a dirección dos investigadores das Universidades da Coruña e Vigo, Ernesto Vázquez-Rey e Mª Teresa Del Préstamo, o Congreso contará co seguinte aval académico:

Secretaría académica:

Noelia Collado Rodríguez, investigadora na Área de Dereito Civil da Universidade da Coruña.

Comité científico:

Cristina Alonso Salgado, investigadora na Área de Dereito Procesual da Universidade de Santiago de Compostela.

Ángel Arcay Barral, historiador e arquiveiro.

Jorge Barrecheguren Fernández, historiador e arquiveiro.

Noelia Collado Rodríguez, investigadora na Área de Dereito Civil da Universidade da Coruña.

Mª Teresa Del Préstamo Landín, investigadora na Área de Literatura Española da Universidade de Vigo.

Mª Ángeles Fuentes Loureiro, investigadora na Área de Dereito Penal da Universidade da Coruña.

Jorge Martín Dopico, investigador na Área de Dereito Internacional Público e Relacións Internacionais da Universidade da Coruña.

Silvia Rodríguez López, investigadora na Área de Dereito Penal da Universidade da Coruña.

Ernesto Vázquez-Rey Farto, investigador na Área de Dereito Administrativo da Universidade da Coruña.

Para a celebración desta actividade solicitarase axuda á Deputación Provincial de Pontevedra, dentro da convocatoria de axudas para o Ano da Música.

A AMUPo colabora no acto de homenaxe a Antonio Odriozola

A piques de se cumprir o 32 aniversario do pasamento de Antonio Odriozola Pietas (1911-1987), o salón de actos do Sexto Edificio do Museo de Pontevedra acolleu na tarde de onte o acto de homenaxe titulado: “30 anos sen Antonio Odriozola. Vixencia do seu legado”.

Homenaxe Odriozola
Cartel da homenaxe a Antonio Odriozola (© AMUPo)

O acto, promovido e organizado pola Asociación de Amigos de Antonio Odriozola e a AGAXET (Asociación Galega de Xornalistas e Escritores de Turismo), contou coa colaboración da Asociación de Amigas e Amigos do Museo de Pontevedra e de Hifas da Terra.

De esquerda a dereita: Ernesto Vázquez-Rey, Guillermo Campos, Carlos Valle e Francisco J. Fernández de Ana Magán. (© Gustavo Santos / Faro de Vigo)

As tres intervencións da mesa -a cargo de Francisco J. Fernández de Ana Magán, Guillermo Campos Piñón e Carlos Valle Pérez– versaron sobre as diversas facetas vitais e profesionais de Odriozola e conduciron a xornada a través das propias vivencias e da relación persoal co homenaxeado e, tamén, coa súa viúva, Dolores Casalderrey.

A paixón pola bibliografía especializada en materia gastronómica, litúrxica, micolóxica ou biolóxica de Odriozola foi o que permitiu que o Museo de Pontevedra conserve na súa biblioteca un inmenso legado material que se mantivo íntegro, grazas ás xestións do propio Guillermo Campos, de Alfonso Zulueta de Haz e de Carlos Valle, recentemente nomeado -ao tempo- director do Museo, coa viúva de Odriozola, en 1988. Esta recibíu unha pensión vitalicia a cambio da entrega ao Museo de Pontevedra de toda a colección.

No propio acto o presidente da Asociación de Amigos de Antonio Odriozola e da AGAXET, Guillermo Campos, anunciou a creación dun Seminario Antonio Odriozola, que de xeito permanente inserte na programación cultural pequenas xornadas de reflexión e divulgación das diversas facetas estudadas por Antonio Odriozola. “A este respecto, a Asociación de Amigas e Amigos do Museo de Pontevedra poderá prestar a súa colaboración, en función da nosa propia programación, de sermos convidados a participar pola AGAXET e a Asociación de Amigos de Antonio Odriozola; xa que a eles corresponde a oportuna programación e organización”, como indicou Ernesto Vázquez-Rey, presidente da entidade, que actuou como moderador da mesa no acto de homenaxe, nos días previos ao mesmo.

Ao tempo, o presidente da AMUPo lembrou a especial vinculación de Antonio Odriozola co padroado do Museo de Pontevedra, no que ingresou en 1967, e agradeceu -especialmente- a participación no acto do ex director do Museo de Pontevedra, Carlos Valle, apuntando que “é unha persoa sen a cal non se entendería a cultura deste país” e que “non pasará moito tempo para saber a perda que supón para todos nós non ter gozado del, como director do Museo, durante máis tempo”.